Гатовая дэма-вэрсія маёй гульні, якую я раблю ў РПГ Мэйкер 2000. Праўда, пакуль не прыдумаў назву. Графіка пакуль амаль уся з Мэйкера, але маю надзею замяніць на нешта арыгінальнае экраны бітваў.



Вось сюжэт:

Хлопец Янка спрабуе вынесьці з хаты сьмецце й выпадкова робіцца дэмакратычным актывістам. гэта ў дэмцы. Яна кароткая. Далей яго й сяброў перасьледуе мент Вася, які разьлічвае на прэмію. Героі павінны знайсьці старажытны артэфакт - чароўны пярсьцёнак Пазьняка, які дапаможа ў бойцы з надыходзячай чырвона-зялёнай пачварай, якая крадзе "Крыніцу", а таксама "Аліварыю" й "Александрыю". Пра тое, што пачвара марыць зьнішчыць усю краіну, а пазьней сьвет, я мяркую, можна й не казаць. Пярсьцёнак захоўваецца ў старажытным Лядовым Палацы пад аховай зомбі-хакеістаў. Ну, пакуль што хопіць. Зьяжджаю, таму на некаторы час прыпыняю працу.



Спампаваць можна тут http://mail.tut.by/Session/45055-2J...gameza-demo.rar

---

Сёньня вазіў групу палякаў у Наваградак на экскурсію. Зза дажджу атрымалася ня вельмі, дый я напярэдадні атруціўся й дрэнна сябе адчуваў. Але маю надзею, што ім спадабалася. На разьвітаньне даў ім першую частку Песень Свабоды. Хай ведаюць!



Заўтра схажу ў школу, разьвітаюся. А ў суботу у 17.30 у мяне аўтобус. Прыходзьце, хто можа, і правадзіце мяне. Буду рады ўбачыць.

---

В настоящее время наш Форум находится в режиме Технического Обслуживания!

Работа форума приостановлена до 30.08.2006.







!!!!!!!!!!Ужо 30! Чаму форум не працуе?!

---

(Маладзён: ) “Я паступіў сёлета, буду вучыцца па сваёй цяперашняй прафэсіі, я музыкант. А паступіў я ў каталіцкі ўнівэрсытэт у Аўстрыі, у ім асноўныя факультэты — тэалёгія і філязофія, але таксама будзе і музычны. Я хачу атрымаць адукацыю на Захадзе, але абавязкова вярнуцца ў Беларусь”.



Гэта апытаньне Радыё Свабода ў Горадні. Папаўся наш Пецька! А сёньня ён паехаў у Маскву за візай. Ну й яшчэ канцэрт там у яго будзе.

---

У пятніцу атрымаў Песьні Свабоды 2 (праўда на дыску напісана 3), і кнігі. Ужо прачытаў "Сатырыкон" Юры Станкевіча й "Браслаўскую стыгмату" Адама Глёбуса.

Навіна з Рады (якая была ажно ў аўторак): на мясцовыя выбары кааліцыя йдзе разам. Запрашаюцца й іншыя дэм. партыі. АГП пераяжджае ў былую майстэрню Іваноўскага. Яшчэ яны мяркуюць выставіць на выбары каля 20 (!) кандыдатаў (у партыі толькі 8 чалавек, здаецца

Раблю вялікія закупы на рынку, бо хутка ўжо зьяжджаць.

---

Я ем арбуз. Відэльцам. Арбуз смачны.

---

http://n-europe.eu/content/?p=84

Конкурс эсэ "Мая Эўропа"



http://community.livejournal.com/garfield_bel

Штодзённыя прыгоды Гарфілда на беларускай мове



Я нечакана "разбагацеў". Ужо зрабіў замову на кнігі.нэт. І карту памяці для фотыка куплю.

---

Беларусь - вясёлая краіна! У офісе БНФ распаўсюджваецца камуністычная газэта "Товарищ"

А ў "Букіністычнай Кнізе" прадаецца кніга Ельцына ў перакладзе Пазьняка

І Зьміцер Вішнеў за 2000р. Заўтра куплю.

А яшчэ ў мяне ўжо гатовая віза!

---

На мінулым тыдні зайшоў у "Букіністычную кнігу" на п'яным вуглу. Убачыў першы том збору твораў Янкі Брыля 1979 года. Ён каштаваў ажно 500 рублёў. "Птушкі й гнёзды" з сэрыі "школьная бібліятэка" каштавалі ўжо крыху больш прыстойную суму - 2000р. Узяўшы яшчэ "Хатынскую аповесьць" Адамовіча за 1000 (там трохі публіцыстыкі пасьля самой аповесьці), я накіраваўся да касы. Па дарозе яшчэ заўважыў зборнічак (каля 300 старонак) Брыля на рускай мове за 100 (!) рублёў. Яе я ўжо ня браў. Яшчэ там былі антыкварныя выданьні ~1905 за 25-30 т.р. Праўда такіх грошаў у мяне няма.



Учора крыху размаўлялі пра беларускае і бабуля як заўсёды казала, што "ты паляк і ня лезь да гэтага народа, што сам ад сваёй мовы адмовіўся" і "я цябе буду прасіць, каб у гэту краіну не вяртаўся, бо тут ты будзеш у турме сядзець" і "хай яны самі сваю краіну выпраўляюць". Мне ўсё ж такі падаецца, што сапраўдны паляк так бы сябе не паводзіў Сапраўдны паляк свайго часу змагаўся за "нашу і вашу свабоду". А не толькі за сваю. І пакуль я грамадзянін Беларусі, мне падаецца, я павінен прынамсі ведаць мову тытульнае нацыі і рабіць нешта для гэтае зямлі. Не зважаючы на нацыянальнасьць.



Дурэю ў RPG Maker 2000. Калі будзе шмат часу і натхненьня, то зраблю нешта класнае, а не проста рэмэйк "Менску".



І вельмі хочацца зьмясьціць выказваньне:

- Які дзень у гісторыі Беларусі вы лічыце найбольш значным?

Віктар Шалкевіч: "На маю думку, гэты дзень яшчэ будзе. Галоўнага дня ў нас не было. Усе спасылаюцца на 25 сакавіка. Гэта было дастаткова далёка. Гэта будзе дзень накшталт... Як для літоўцаў - дзень абароны тэлевежы. Ці, як для палякаў - дзень увядзеньня вайсковага становішча. У нас яшчэ ўсё наперадзе. Гэта будзе дзень, калі ўвесь народ аб'яднаецца, выйдзе на вуліцу. Калі нас аб'яднае альбо вялікая радасьць, альбо, крый Божа, вялікае гора. Але галоўнае, калі мы адчуем аб'яднаньне. Не толькі ў Мінску, але і ў іншых гарадах"

---

Памяці Ларысы Геніюш

12 жніўня ў Зэльве адбудзецца ўшанаваньне памяці славутай беларускай паэткі Ларысы Геніюш.

Імпрэза, прысьвечаная 96-м угодкам Ларысы Геніюш, пачнецца а 12 гадзіне.

Запрашаюцца ўсе ахвотныя.

---

І яшчэ



ЛЁША: Лоботомированная Ёмкость для Шумогасительной Атаки



І прозьвішча



ШОТА: Штурмовой Организм для Точечной Атаки



І нік



ШМЕЛЬ: Штурмовая Модернизированная Единица для Лимитированного членовредителЬства

---

АЛЕКСЕЙ: Автоматическая Лоботомированная Единица с Квантовым Сегментом для Ежедневного убиЙства



Сярод нас кібаргі-забойцы. І я - адзін зь іх! Праверце й сябе http://korova.ru/humor/cyborg.php

---

Фонасэмантычны аналіз прозьвішча. Цікава. http://analizfamilii.ru

---

Беларускі спадарожнік разьбіўся ў стэпах Казахстану

http://news.tut.by/society/71701.html

Прэзідэнт з трываласьцю прыняў удар лёсу

http://news.tut.by/politics/71703.html

---

Ужо каторы дзень ваюю з Бацькам – галоўным гопнікам, фашыстам і мянтом краіны. Выпіваючы адну бутэльку “Крыніцы” за другой, вырубаю камуністаў, гапароў ды амапаўцаў з дапамогай бэнзапілы DOOM’epa. У няроўнай бойцы дапамагаюць вожыкі-ніньдзя й магічныя бел-чырвона-белыя фенькі. А засьпяваўшы “Одзірыдзідзіну” і адчуўшы сябе крутым херам ўвогуле можна бяз страху ісьці на Дом Ураду!

Усё гэта ў культавай roguelike-гульне “Менск” якую можна спампаваць з форуму НРсМ. Галоўнаму герою – Леаніду Артуравічу Вольскаму, звычайнаму беларускаму рокеру, даўно мроіцца сьцерці з твару Зямлі галоўную гопніцкую тусоўку – клюб “Рэактар”. Ды й разабрацца з Бацькам было б нядрэнна. Гульня займае ўсяго 50 кб у архіве. Хэлп на клявішы F1.

Каб спампаваць, трэба быць зарэгістраваным на форуме! Вось спасылачка http://nrsm.org/forum/download.php?id=28



На Свабодзе дагэтуль няма рэзультатаў фотаконкурсу за мінулы тыдзень!

---

Прыбіраў у пакоі, знайшоў некалькі бэйджаў (гэта так пішацца?): Конференция "Построение Сообщества Профессионалов Связанных Сетевым Взаимодействием. Гродно 2005", ІІІ областной форум детей и молодёжи "Лидер - новое поколение", ІV пешая пілігрымка Горадня-Рось, тры пустых бэйджа, адзін проста з надпісам "Лёша" (гэта са Школы Маладога Журналіста).

Яшчэ знайшоў сяброўскія карткі кампутарнага клюба "Trinity", ФСКі "Віта" (з сакавіка па чэрвень 2005г), цэнтральнае бібліятэкі імя Макаёнка (на 2004г) ды абласной бібліятэкі імя Карскага (2005).

@музыка: N.R.M. - 10

---

Як заўсёды, на канверце было напісана: "Атрымана ў УП "Гроднааблпошта" ў пашкоджаным выглядзе". Яны б заклейваць нармальна навучыліся ці што... Добра што нічога ня выцягнулі...

---

Мае фоткі зьмясьцілі на "Свабодзе". http://www.svaboda.org/articlesfeat...9BB2C1B2BD.html Здаецца пяць штук. Тыя, дзе сьвяткаваньне Грунвальдзкай перамогі.

---

Прышпільна! Песьні вашы, як нашы. Пераклады папулярных песьняў аўтарства Сяргея Балахонава http://balachonau.puls.by/ryfma.html. Напраклад, "Звезда по имени Солнце" па-беларуску:



СОНЦА-ЗАРА

Белы сьнег. Шэры лёд.

Люты боль з ран зямлі імкне.

Шматкалёрнаю коўдрай на ёй

Места ў дарожным вязьме.

А над местам тым аблокі плывуць,

Захінаюць нябесны сноп.

А над местам тым жоўты дым.

Месту аж дзьве тысячы год,

Выжытых у промнях зары,

Імя якой СОНЦА.

І дзьве тысячы год вайна,

Вайна без адметных прычын.

Вайна – бава маладых

а лекі супраць маршчын.

Чырвань-чырвоная кроў.

Праз гадзіну проста зямля.

Празь дзьве на ёй кветкі ў траве,

А праз тры яна зноўку жыве

У праменьні гарачай зары,

Імя якой СОНЦА.

І вядома, што было так заўжды:

Хто ня помніць ні чыноў, ні імён,

Той гатовы дацягнуцца да зор,

Калі нават навокал сон,

І прапасьці, згарэўшы ў зары,

Імя якой СОНЦА.

---

http://www.euramost.org/?artc=8533

9 актывістаў АГП і студэнт Аляксей Шота



Учора хадзілі на Крамбамбулю. Было класна, толькі Вольскі пасьля хутка ўцёк.